في خفوقي (عتاب)

في خفوقي يا هو عندي لك عتاب
يا حبيبي وانتظر منك جواب
يا هو اعتابي يسيّـل كل دموع
من عيون الخلق وتبل التراب
منهو يا ناس اليفرق كل حبيب
عن حبيبه ويا كثر هذا خراب
غير كل عاذل تمنى لي القهر
وكم تمنى بيده ذوقني الصعاب
بالتحدي يجتمع ضدي بعد
واتحدى وأشرب العــــلة شـــراب
ليه تبيع اللي شريته واشتراك ؟؟
خِلَّـك آنا وميزتي بين الصحــاب
من الوجود آنا عساني أنمحي
ولا أشوف الشفته منك من عذاب
تبتعد عني وانا ابقلبي أبيك !
مو غريبة لو تجرعني المصــاب
من فؤادك عني حبك ليه رحل؟
قلي منهو الخلى حبك لي سراب؟
ولي متى ببقى على هذا الوضع ؟
حتى من ضيم اللي شفته راسي شاب
ولي متى بتبقى ولا فيني تحس؟
ومني دمعاتي تهل والقلب ذاب
قاسي قلبك أقسى حتى من الصخر
ما تحن عاللي توفى وهو شباب
آنا في حبك توفيت ابقهر
حِــن عليي والمودة افتحها باب
وانت تعرف راحتي آنا معاك
تحقد وتهجر ضميري وما تهاب
ما هو كل شيٍ على حاله يدوم
فيك أنا يالغالي ظني والله خاب
بعتني والشاهد الله ثم أنا
والسهم يالصوبتني به أصاب
إفرح وبشِّــر جميع العاذلين
إنك انت أبعدتني وابصواب
مو حبيبك آنا قول لهم بعد
قل لهم ماشاني حبه كالسحاب
هذا حالي واشتكي لربي الجليل
و من عذاب الحبِ قلبي لله تاب